"mae e wedi fy helpu i feddwl, ydw, dw i'n berson iawn, ac mae pobl yn gwerthfawrogi fy marn; mae'n dda i'ch hunan hyder" Susan Rowlands
Cartref Cyrsiau Preswyl Cyrsiau Cymunedol Cyrsiau yn y Gweithle a'r Sector Gwirfoddol
Three students working at computers

Cyrsiau Preswyl

Cyrsiau Tystysgrif Sylfaen amser-llawn, 1 flwyddyn. Nid oes angen unrhyw gymwysterau blaenorol. Mae bwrsarïau a llety ar gael i ymgeiswyr cymwys. Cofrestru nesaf Medi 2009.

Ar gyfer cyrsiau wythnos a phenwythnos yng Ngholeg Harlech, defnyddiwch y rhestr gwympo uchod

Cwrs Crochenwaith Racw

O ’r Pot i’r Odyn
3-6 Gorffennaf 2009
Tiwtor – Geoff Bond
Ffi am y cwrs £120
(Yn ddi-dâl i ymgeiswyr ar gyfer y cwrs Celf + Dylunio)

Os ydych yn derbyn budd-daliadau, mae'n bosibl eich bod yn gymwys i gael
pris gostyngedig. Byddwch cystal â holi am hyn.

BWCIWCH AR-LEIN

Cliciwch yma i islwytho’r ffurflen gais


Ymunwch â ni ar gyfer Wythnos Gerameg Coleg Harlech. Cewch gyfle i ddylunio a gwneud eich potiau eich hun ac yna eu tanio mewn odyn Racw.

Bydd y cwrs hwn yn mynd â chi drwy’r broses gyfan gam wrth gam – o’r pot i’r odyn. Byddwch yn dod i wybod am a gwerthfawrogi crochenwaith Racw – darperir defnyddiau a hyfforddiant i’ch galluogi i wneud gwaith ysbrydoledig. Yn ystod yr wythnos rhoddir sylw i dechnegau adeiladu gan gynnwys crochenwaith torchog, crochenwaith slab a gwasg-fowldio.

Ni ellir cael enghraifft well o’r amgylchedd naturiol na’r ardal o gwmpas Coleg Harlech gyda’i thraethau, mynyddoedd a golygfeydd o’r môr, heb sôn am Gastell Harlech a’r cyffiniau. Gan ddefnyddio’r amgylchedd lleol fel ysbrydoliaeth, byddwch yn cael eich tywys drwy’r broses ddylunio drwy gynhyrchu gweadau a phatrymau a gwneud marciau ar arwynebau clai sy’n adlewyrchu’r ardal.

Ar ôl gwneud y crochenwaith, byddwch yn mynd ati i wneud a chymysgu gwydreddau. Yn ystod y broses hon byddwch yn dysgu am yr amrywiaeth o ddefnyddiau cerameg a’u swyddogaeth mewn technoleg gwneud gwydreddau. Nid oes angen gwybodaeth flaenorol, a bydd y wybodaeth dechnegol yn cael ei throsglwyddo i chi mewn iaith glir a chewch ddigon o daflenni i’ch helpu.

Hefyd, dangosir sleidiau sy’n ymdrin â thechnegau crochenwaith, gan gynnwys adeiladu odyn a thanio. Erbyn diwedd y cwrs, drwy eich gwaith cerameg, bydd gennych ddealltwriaeth dda o brosesau dylunio a chynhyrchu. Bydd gennych hefyd well amgyffred o ystyriaethau technegol, gan gynnwys ffurfiant clai a ryseitiau gwydredd.