"mae e wedi fy helpu i feddwl, ydw, dw i'n berson iawn, ac mae pobl yn gwerthfawrogi fy marn; mae'n dda i'ch hunan hyder" Susan Rowlands
Cartref Cyrsiau Preswyl Cyrsiau Cymunedol Cyrsiau yn y Gweithle a'r Sector Gwirfoddol
Three students working at computers

Cyrsiau Preswyl

Cyrsiau Tystysgrif Sylfaen amser-llawn, 1 flwyddyn. Nid oes angen unrhyw gymwysterau blaenorol. Mae bwrsarïau a llety ar gael i ymgeiswyr cymwys. Cofrestru nesaf Medi 2010.

Ar gyfer cyrsiau wythnos a phenwythnos yng Ngholeg Harlech, defnyddiwch y rhestr gwympo uchod

Amlgyfrwng

Tiwtor: Graham Hall, Geoff Bond, Trevor Andrews, Chris Stronge

Mae’r Chwyldro Digidol wedi hen gyrraedd. Mae’r offer ar gyfer creu arlunwaith digidol rhyfeddol yn mynd yn fwy pwerus bob dydd. Mae ffotograffwyr, gwneuthurwyr ffilmiau, animeiddwyr a dylunwyr yn defnyddio meddalwedd a chaledwedd ddigidol yn ogystal â dulliau mwy traddodiadol. Mae’r cyfleoedd ar gyfer dilyn gyrfa yn y diwydiannau hyn yn aruthrol.

Mae’r cwrs Amlgyfrwng amser-llawn preswyl newydd yng Ngholeg Harlech yn integreiddio dulliau traddodiadol cydnabyddedig a thechnolegau digidol newydd mewn ffordd gyffrous ac ymarferol sy’n rhoi llwyfan i’r myfyrwyr hynny nad oes ganddynt unrhyw gymwysterau addysgol ffurfiol i symud ymlaen i ddilyn gyrfa yn y Diwydiannau Celfyddydau Creadigol Digidol neu astudiaethau AU pellach.

Gan ddefnyddio cyfryngau traddodiadol a digidol, mae’r cwrs yn ymdrin â sgiliau ymarferol a damcaniaethol mewn Dylunio Gweledol a Graffeg, modelu 2D a 3D, Cyfryngau Gwe, Animeiddio, Delweddu Digidol, Fideo a Darlledu Radio.

Yn ystod y cwrs, byddwch yn cael eich annog a’ch cefnogi i arbrofi ac i archwilio eich dulliau a’ch potensial proffesiynol technegol a chreadigol mewn astudiaethau sy’n arwain at brif brosiect o’ch dewis eich hun yn ystod y 3ydd tymor a chymryd rhan mewn arddangosfa ar ddiwedd y flwyddyn.

Cynnydd

Ar ôl cwblhau’r cwrs yn llwyddiannus byddwch yn gallu:
Dilyn astudiaethau Gradd Addysg Uwch megis Effeithiau Arbennig, Ffilm, Animeiddio, Dylunio Gwe neu Amlgyfrwng neu raddau Technolegol Creadigol eraill.
Defnyddio’r sgiliau yr ydych wedi’u dysgu mewn meysydd cyflogaeth megis y diwydiant adloniant, cwmnïau gemau fideo, cwmnïau hysbysebu a chwmnïau cyfrifiadurol.
Mae gan nifer o gyflogwyr mawr megis llywodraeth leol adrannau lle y mae sgiliau amlgyfrwng yn amhrisiadwy.

Gwerth Credyd 120, Lefel 3

Tymor 1

1. Ymchwilio ac Archwilio Gweledol – 20 credyd
2. Sgiliau 2D – 10 credyd
3. Sgiliau Dylunio 3D – 10 credyd

Tymor 2

1.Ymchwilio i Brosiect a’i Gynllunio – 10 credyd
2. Celf Ddigidol – hanner 1af modiwl 10 credyd
3. Fideo – 10 credyd
4. Animeiddio – 10 credyd
5. Cyfryngau Gwe – hanner 1af modiwl 10 credyd

Tymor 3

1. Celf Ddigidol – 2il hanner modiwl 10 credyd
2. Cyfryngau Gwe – 2il hanner modiwl 10 credyd
3. Cyfryngau Darlledu : Radio – 10 credyd
4. Prif Brosiect ac Arddangosfa – 20 credyd

Darperir cymorth astudio

Darperir cymorth astudio ychwanegol yn y meysydd canlynol:
Gorfodol: Technoleg Gwybodaeth, Sgiliau Cyfathrebu, Adolygiadau Tiwtorial Prif Gwrs
Gwirfoddol: Llythrennedd, Rhifedd, Mathemateg TGAU, Tiwtorialau i helpu gydag anghenion dysgu penodol, Cyngor ac Arweiniad Gyrfaoedd a Gweithdai Ceisiadau UCAS (i wneud cais i Brifysgol), Gweithdai Technoleg Gwybodaeth

Profiad blaenorol dymunol a/neu weithgareddau yr awgrymir i chi eu gwneud ymlaen llaw:
Ymweld ag orielau, llyfrgelloedd, sinemâu neu theatrau lleol a gweld sut y mae technoleg fodern yn newid y ffordd y maent yn gweithio ac yn cyflwyno eu nwyddau. Y we yw’r adnodd amlwg ar gyfer astudio Amlgyfrwng. Ymddengys fod rhai gwefannau yn gweithio’n well na’i gilydd; dewch o hyd i enghreifftiau o wefannau da a gwael, ac ystyriwch beth sy’n eu gwneud yn ‘dda’ neu’n ‘wael’.
Darllen unrhyw gylchgronau perthnasol, e.e. Computer Arts, 3D World, Total Film, Empire a Digital Photographer. Ceir nifer o wefannau ar-lein lle y mae pobl broffesiynol o’r diwydiant, myfyrwyr, a phobl sydd â diddordeb yn trafod, rhoi cyngor a rhannu eu harbenigedd. Un enghraifft o’r fath yw www.cgsociety.org.