Newyddion

E-Newyddlen Newydd ar gael Rwan

Y cwrs Facebook cyntaf erioed yn rhoi myfyrwyr yn y ffrâm

Mae coleg yng Ngholeg Cymru yn credu mai ef yw’r cyntaf yn y byd i gyflwyno cwrs ar Facebook.

Mewn cynllun peilot, mae CAG Coleg Harlech wedi defnyddio’r safle rhwydweithio cymdeithasol i ddysgu’r cwrs ffotograffiaeth ddigidol.

Bellach mae wedi gwneud cais am grant i ehangu’r cyrsiau y gall eu cynnig drwy ddefnyddio Facebook fel “llwyfan dysgu hybrid”.

Yr ymgynghorydd TG ac arloesedd, Chris Headleand, sy’n ddarlithydd mewn technolegau creadigol yn y coleg ac yn arbenigwr ar y cyfryngau cymdeithasol, a gafodd y syniad am yr arbrawf, a bu’n llwyddiant ysgubol.

Gwybodaeth lawn

Billie, y tiwtor ysbrydoledig, yn arwain chwyldro Cymraeg

Mae dysgwr Cymraeg “ysbrydoledig” sy’n hanu o Swydd Efrog yn arwain chwyldro yn yr ystafell ddosbarth yn ardal Wrecsam.

Mae’r tiwtor Billie Owens yn helpu 18 o gynorthwywyr dysgu o ysgolion lleol sydd wedi ymuno â chynllun arloesol i ddysgu Cymraeg llafar.

Caiff y cwrs 20 wythnos o’r enw Cwrs Iaith Meithrin ei gynnal yng Nghanolfan Adnoddau Gwersyllt ac mae wedi cael ei drefnu gan CAG Coleg Harlech, yr arbenigwyr addysg oedolion.

Dyma’r fenter gyntaf o’i bath i CAG Coleg Harlech ei threfnu yng Ngogledd Cymru ac i’r myfyrwyr mae’n brofiad pleserus yn ogystal ag addysgiadol.

Mae’r cwrs wedi’i anelu’n benodol at athrawon, gweithwyr meithrin a gwarchodwyr plant sy’n gweithio gyda phlant ifanc iawn ac sy’n dymuno dechrau dysgu Cymraeg neu feithrin eu hyder yn yr iaith.

Gwybodaeth lawn

Prosiect arloesol ar y rhestr fer ar gyfer prif wobr

Mae prosiect addysgol arloesol i helpu pobl sy’n dioddef o broblemau iechyd meddwl yn cael ei ystyried ar gyfer gwobr bwysig.

Mae prosiect Meddwl Agored CAG Coleg Harlech ar y rhestr fer yng Nghategori Arfer Cynhwysol Gwobrau Colegau Cymru 2012.

Yn ôl Sarah O’Connell Jones, Rheolwr y Prosiect, mae’r cynllun yn cael croeso mawr gan ddysgwyr ar hyd a lled Gogledd Cymru.

Meddai: “Mae gan CAG Coleg Harlech hanes hir o weithio efo dysgwyr sydd wedi’u cau allan yn gymdeithasol, sydd wedi’u difreinio neu’n sy’n cael eu dosbarthu’n anodd eu cyrraedd.
Gwybodaeth lawn

Aelodau o’r Cynulliad yn ymweld Prosiect arloesol sy’n helpu pobl i dyfu

Mae myfyrwyr aeddfed sy’n dilyn cwrs garddio arloesol yng Nghanolbarth Cymru yn gwneud hanes – yn ogystal â thyfu ffrwythau a llysiau.

Mae prosiect Meddwl Agored yn y Drenewydd wedi cael ei lunio i “newid bywydau” pobl sy’n dioddef o broblemau iechyd meddwl neu sydd mewn perygl o ddioddef o broblemau o’r fath.
Mae’n cael ei gynnal gan CAG Coleg Harlech, yr arbenigwyr addysg oedolion, mewn partneriaeth â

Chymdeithas Ponthafren, yr elusen iechyd meddwl, yn Longbridge Street.
Gobaith y garddwyr uchelgeisiol yw sefydlu menter gymdeithasol i werthu cynnyrch, a chynnig gwasanaethau cynllunio a thirlunio gerddi o bosibl yn y dyfodol.

Fel rhan o’r cynllun garddio, mae pump ohonynt hefyd yn astudio am Ddiplomâu mewn Dilyniant a Chyflogadwyedd a achredir gan Agored Cymru.

Credir mai hwy yw’r rhai cyntaf yng Nghymru i astudio am ddiplomâu mor heriol drwy ganolfan iechyd meddwl.

Gwnaeth eu cyflawniadau gryn argraff ar Rebecca Evans a Joyce Watson, Aelodau o’r Cynulliad ar gyfer Canolbarth a Gorllewin Cymru, a oedd wedi dod i weld y prosiect.

Meddai Rebecca Evans: “Mae’n wych. Dydw i ddim yn meddwl bod modfedd o le wedi cael ei gwastraffu ac mae eu cynlluniau ar gyfer datblygiadau pellach yn uchelgeisiol iawn.”

Ychwanegodd Joyce Watson, sy’n arddwraig frwd ei hunan: “Rydw i wedi gweld sut y gall pobl ddysgu sgiliau mewn ffordd hamddenol a sut y gallan nhw yn llythrennol fwynhau ffrwyth eu llafur, a sut y bydd hynny ynddo’i hun yn rhoi hyder iddyn nhw.”
Gwybodaeth lawn

Pennaeth yw’r uchaf yn y dosbarth am Gymraeg

Mae gwobr bwysig o fewn cyrraedd pennaeth ysbrydoledig ysgol bentref.

Mae Jennie Lewis wedi cael ei henwebu ar gyfer un o Wobrau Ysbrydoli NIACE am ei gwaith yn hybu’r iaith Gymraeg yn Ysgol Nannerch.

Cymerodd Jennie drosodd fel pennaeth yr ysgol, lle mae 72 o ddisgyblion, dair blynedd yn ôl, ychydig cyn arolygiad gan Estyn a argymhellodd y dylid gwneud mwy i hybu’r defnydd o’r iaith yn yr ysgol cyfrwng Saesneg.

Cysylltodd â Chymdeithas Addysg y Gweithwyr Coleg Harlech i sefydlu grwp o ddysgwyr ymhlith y rhieni y byddai hi ei hun yn rhan ohono, a bu’r canlyniadau y tu hwnt i bob disgwyl.
Gwybodaeth lawn

Diane Lonsdale Jones benodi fel Rheolwr Cyllid Allanol

Mae merch a roddodd y gorau i’w haddysg er mwyn magu ei mab wedi troi’n fodel rôl i bobl eraill sydd am roi ail gyfle i goleg.

Gadawodd Diane Jones yr ysgol heb lawer o gymwysterau ond mae addysg wedi “newid ei bywyd” ac mae hi wedi ennill swydd ei breuddwydion ar ôl rhoi cynnig arall ar astudio.

Penderfynodd fynd nôl i’r ysgol pan ddechreuodd ei mab Darren mewn addysg amser llawn.

Ers hynny, mae hi wedi dringo’r ysgol ac mae bellach wedi’i phenodi’n Rheolwr Cyllid Allanol yng Nghymdeithas Addysg y Gweithwyr Coleg Harlech. Bydd y rôl hon yn golygu gweithio ar brosiectau ledled Gogledd Cymru a Gogledd Powys.

Mae Diane yn byw yn Abergele gyda’i gwr sy’n Brif Arolygydd gyda’r heddlu ac mae hi’n teithio i Fangor bob dydd ar gyfer ei swydd newydd.

Dywedodd: “Rwy’n fyfyrwraig ail gyfle. Gadewais yr ysgol heb lawer o gymwysterau. Rwyf wrth fy modd yn darllen a llenyddiaeth a doeddwn i erioed yn meddwl y byddai’n bosibl i mi fynd i’r Brifysgol.”
Gwybodaeth lawn

Cynllun arloesol yn llwyddo

Mae cynllun pêl-droed a sefydlwyd i helpu pobl ddi-waith i gael dyfodol newydd wedi sgorio a tharo cefn y rhwyd.
Mae mwy na 50 o bobl wedi llwyddo i gael hyd i swyddi ar ôl cymryd rhan ym mhrosiect arloesol Rhyl Strikers. Mae 179 arall oedd yn rhan o’r prosiect wedi ennill cymwysterau sy’n cael eu cydnabod gan UEFA ac mae 282 o bobl wedi symud ymlaen i Addysg Bellach.

Yn ogystal â hyn, mae chwech o gyn fyfyrwyr Rhyl Strikers wedi sefydlu eu mentrau
cymdeithasol eu hunain. Lleolir y cynllun ar gae Clwb Pêl-droed y Rhyl, sef y Belle Vue,
a chaiff y tiwtoriaid eu hariannu gan CAG Coleg Harlech. Cefnogir y prosiect gan raglen Pêl-droed yn y Gymuned.

Gwybodaeth lawn

CAG Coleg Harlech yw’r coleg cyntaf i ennill Dyfarniad Ansawdd TUC Cymru

Mae gan TUC Cymru berthynas hir a chadarn gyda Chymdeithas Addysg y Gweithwyr a Choleg Harlech. Roedd felly yn hynod o falch o dderbyn cais am Ddyfarniad Ansawdd gan y gymdeithas gyfunedig. CAG Coleg Harlech yw’r darparwr addysg cyntaf yng ngogledd Cymru i dderbyn y Dyfarniad Ansawdd.
Yng nghanolbarth a gogledd Cymru, mae’r Adran Dysgu yn y Gweithle, mewn partneriaeth â’r Undebau wedi mynd â dysgu a hyfforddi i’r cwmnïau sector cyhoeddus a sector preifat sydd â chysylltiad beunyddiol bron â’n bywyd pob dydd, er enghraifft, Kellogs, Grampian Foods a Tesco, neu Anglesey Aluminium, ysbytai, y frigâd dân, y swyddfa dreth incwm a, pan fyddwch ar eich gwyliau yng ngogledd Cymru (allwch chi ddim mynd yn llawer uwch na hyn) Lein Bach yr Wyddfa.
Mae’r mudiad llafur a CAG Coleg Harlech yn cefnogi’r ethos o ehangu cyfranogiad ac ymgyrraedd at ddysgwyr anodd eu cyrraedd a dysgwyr anhraddodiadol megis dynion hyn, grwpiau lleiafrifoedd ethnig, gweithwyr sifft a gweithwyr rhan-amser.
Mae gan yr Adran Dysgu yn y Gweithle enw rhagorol am fynd â dysgu at y grwpiau hyn o weithwyr yn eu gweithleoedd eu hun.
Cefnogwyd y cais am y Dyfarniad Ansawdd gan swyddogion undeb rhanbarthol a gadarnhaodd fod y tiwtoriaid yn gefnogol a chyfeillgar a bod meithrin hyder yn ffactor allweddol ar bob cwrs.
Dywedodd un swyddog addysg, “Mae ganddynt (CAG) ymrwymiad cryf i ddysgu.” Un o’r enghreifftiau niferus a roddwyd oedd sut yr oedd un tiwtor wedi mynd i drafferth fawr, gan alw ffafrau i mewn hyd yn oed, er nad oedd o unrhyw fantais bersonol iddo ef, i helpu swyddog undeb, gan y byddai dysgwyr yn elwa yn y pen draw.
Mae’r Adran Dysgu yn y Gweithle yng Ngholeg Harlech yn goresgyn yr holl rwystrau sy’n bodoli er mwyn mynd â dysgu allan i fywydau pob dydd ein haelodau undeb. Mae’r ymrwymiad cryf hwn, a’r gred y dylai dysgu, addysg a hyfforddiant fod ar gael i bob oedolyn, o fudd mawr i unigolion, eu teuluoedd a’n cymunedau.

Darparwyr addysg yng Ngogledd Cymru yn cael y graddau gorau yng Nghymru

Cafodd y bartneriaeth sydd ar waith yng Nghonwy rhwng Coleg Llandrillo, CAG Coleg Harlech, Prifysgol Cymru Bangor a Choleg Llysfasi ganmoliaeth uchel gan arolygwyr Estyn yn ddiweddar.

Cafodd y darparwyr y graddau uchaf yng Nghymru, gan gynnwys gradd 1 ar gyfer Datblygu Cymunedol, Addysg Oedolion a Chymraeg i Oedolion.